დღეს, დაახლოებით 11:00 საათზე, თბილისში, წყალსადენის ქუჩაზე მდებარე "გალფის" ნავთობაზაზე ხანძარი გაჩნდა. არსებული ინფორმაციით, ტერიტორიაზე საწვავით დატვირთული ხუთი ავტოცისტერნა აფეთქდა. დამწვარია დაახლოებით 2000-2500 კვადრატული მეტრი ტერიტორია. მსუბუქად დაშავებულია ერთი პიროვნება.დამწვარია მიმდებარე ტერიტორიაზე არსებული ავტონაწილების ხუთი მაღაზია და ათამდე მეორადი ავტომობილი. შემთხვევის ადგილზე თბილისის მერიის საგანგები სიტუაციების სააგენტოს, სასწრაფო-სამედიცინო დახმარების ბრიგადები, საპატრულო პოლიციისა და რკინიგზის სახანძრო სამსახურის წარმომადგენლები მუშაობდნენ.ხანძრის გამომწვევ მიზეზებზე გამოძიება დაიწყო