პუმა (Puma ), ბრენდის ისტორია » Borbonchia - ცეცხლთან მებრძოლები
                                რეკლამა

საიტი შექმნილია მეხანძრეების მიერ, მეხანძრეებზე და მეხანძრეებისათვის. არამარტო მათზე და მათთვის.

პუმა (Puma ), ბრენდის ისტორია

გერმანული ცნობილი კომპანიის პუმას ( Puma) ისტორია იწყება იმავე დროიდან, საიდანაც ასევე უდიდესი კომპანიის – ადიდასის – 1920 – იანი წლებიდან. პუმას ისტორია უაღრესად საინტერესოა.
1924 წელს ბავარიის პატარა ქალაქ ჰერცოგენაურახში დასსლერის ოჯახის წევრების მიერ იქმნება კომპანია "ძმები დასსლერების ფეხსაცმელების ფაბრიკა" (Gebruder Dassler Schuhfabrik). დასსლერების ოჯახში იყო ორი ძმა – ადოლფი (ადი) და რუდოლფი. კომპანიაში ფუნქციები ძმებმა გაინაწილეს შემდეგნაერად: ადოლფი დაკავებული იყო წარმოების ორგანიზაციული საკითხებით და ფეხსაცმლის ახალი მოდელების შექმნით, ხოლო რუდოლფი დაკავებული იყო პროდუქციის რეალიზაციით.
წარმოებამ საკმაოდ მალე მოიპოვა პოპულარობა და 1927 წელს დასსლერებს საშუალება მიეცათ ფაბრიკისთვის ექირავათ მთელი შენობა. კომპანიის თანამშრომელთა რიცხვი იმ დროისთვის შეადგენდა 25 ადამიანს. გარკვეული პრიოდის შემდეგ ძმები ყიდულობენ ფაბრიკის შენობას და საცხოვრებლად გადადიან მის ახლოს მდებარე პატარა სახლში.
დასსლერებმა იცოდნენ, თუ რამხელა მნიშვნელობა ჰქონდა მათი სპორტული ფეხსაცმელების უშუალოდ სპორცმენებთან დაკავშირებას. ასეთი შანსი მათ გაუჩნდათ 1936 წელს ბერლინის ოლიმპიადის დროს. გერმანიაში ჩასვლისას ცნობილ სპორცმენს ჯესი ოუენსს (Jesse Owens) დახვდა ადი დასსლერი თავის საწარმოში შეკერილი სარბენი ფეხსაცმელების მთელი ჩანთით და დაარწმუნა სპორცმენი, რომ ოლიმპიადაზე მონაწილეობა მიეღო სწორედ ამ ფეხსაცმელებით. ოუენსმა ამ ოლიმპიადაზე Dassler – ის ფეხსაცმელებით 4 მედალი მოიპოვა.
მეორე მსოფლიო ომის პერიოდში დასსლერების წარმოება გადავიდა სახელმწიფო შეკვეთების შესრულებაზე და სამხედრო ფეხსაცმელებს კერვაზე. ამავე პერიოდში გაღრმავდა უთანხმოება ძმებს შორის.
1948 წელს ძმებმა დესსლერებმა გაყვეს თავიანთი საწარმო ორ ნაწილად. ადოლფმა თავის კომპანიას დაარქვა თავისი სახელის და გვარის პირველი ასოებისგან შედგენილი სახელი – ადიდასი (Addas). რუდოლფმაც ანალოგიური კომბინაციით თავის კომპანიას დაარქვა რუდა (Ruda). ამ დასახელებებმა რამდენჯერმე განიცადეს ცვლილება და ბოლოს ჩამოყალიბდნენ იმ სახით, როგორც დღეს ჩვენთვის ცნობილია – ადიდასი (Adidas) >> და კომპანია პუმა(Puma).
ასე დაიწყო მრავალწლიანი ბრძოლა პირველობისთვის ადოლფსა და რუდოლფს შორის. მათი მშობლიური ქალაქიც კი, რომელშიც იყო ორივე საწარმო, ფაქტიურად გაიყო ორად: ადიდასის და პუმას თანამშრომლები ერთმანეთს იგნორირებას უკეთებდნენ იმ დონეზე, რომ დადიოდნენ მხოლოდ იმ საპარიკმახეროებში და სასადილოებში, რომლებიც მათ კომპანიას უჭერდნენ მხარს. ქალაქს ჰყავდა ორი საფეხბურთო გუნდი: ერთი ადიდასის ნიშნით, ხოლო მეორე პუმას ლოგოს გამოსახულებიანი ტანსაცმლით.
1952 წელს პუმას ბუცები დასახელებით Atom შემოსილი იყო გერმანიის თითქმის მთელი ნაკრები, ხოლო 1958 წელს ფეხბურთის მსოფლიო ჩემპიონატზე შვედეთის და ბრაზილიის ნაკრებები.
1968 წელს გაყიდვაში გამოდის ლეგენდარული Puma King.სწორედ ამ სპორტული ფეხსაცმელებით პორტუგალიელმა ფეხბურთელმა ეუსებიომ გაიტანა 42 გოლი და გახდა წლის საუკეთესი თავდამსხმელი.
1970 წელს მექსიკაში ჩატარებული ფეხბურთის მსოფლიო ჩემპიონატის საუკეთესო მოთამაშემ – პელემ სწორედ პუმას ბუცებში შეძლო თავისი გუნდის ლიდრად გაყვანა.
1974 წელს რუდოლფ დასსლერი გარდაიცვალა. კომპანიას სათავეში ჩაუდგნენ მისი შვილები არმინი და გერდი. 80 –იანი წლების შუაში კომპანია ხდება სააქციო საზოგადოება.
1986 წელს დიეგო მარადონა პუმას ბუცებით მონაწილეობს თავის პირველ მსოფლიო ჩემპიონატში, სადაც არგენტინის საფეხბურთო ნაკრები იღებს მსოფლიო ჩემპიონის ტიტულს. მარადონა კი ჩემპიონატის საუკეთესო მოთამაშის ჯილდოს.
მიუხედავად ასეთი მიღწევებისა პუმას გაყიდვები ნელ–ნელა იკლებს და 90 – იანი წლების დასაწყისში კომპანია დგება გაკოტრების პირას. ამიტომ მფლობელები იძულებული ხდებიან შეიმუშაონ ახალი მარკეტინგული სტრატეგია.
1993 წელს კომპანია პუმას აღმასრულებელი დირექტორი ხდება იოხენ ცეიტსი – კომპანია ქოლგეიტის (Colgate) ყოფილი ბრენდ მენეჯერი. მისი ხელმძღვანელობით პუმას წარმოება გადააქვს სამხრეთ აზიაში და სამხრეთ ამერიკაში, წარმატებულად გადის საფონდიო ბირჟებზე და კომპანიაში სამუშაოდ იზიდავს ფეხსაცმლის და ტანსაცმლის ცნობილ დიზაინერებს.
2003 წელს პუმა უშვებს ფეხსაცმლის კოლექციას – Rudolf Dassler , 2007 წლიდან კი ამავე ბრენდით გამოდის ტანსაცმელი და აქსესუარები.
ამავე დროს იწყებს ტენისის ტანსაცმლის და აქსესუარების წარმოებას. ამ ყველაფრის შედეგად იხსნება პუმას მაღაზიები ევროპაში და ამერიკაში და ფართოვდება წარმოება.
2004 წელს პუმა აფორმებს ხელშეკრულებას კომპანია ფერარისთან (Ferrari), რომლის მიხედვითაც PUMA AG ხდება Scuderia Ferrari Marlboro (ფორმულა 1 – ის ერთ–ერთი უძლიერესი გუნდი) ოფიციალური მიმწოდებელი. ასევე პუმა ხდემამიხეილ შუმახერის ფეხსაცმლის ოფიციალური მიმწოდებელი.
გარდა სპორტული ტანსაცმლისა და ფეხსაცმლისა პუმა აწარმოებს საათებს, სათვალეებს, აქსესუარებს, პარფიუმერიას და ა. შ. იგი ითვლება ერთ–ერთ წამყვან მოდურ ბრენდად.

წყარო:geronia.blogspot.com
1653
    

კომენტარები -
0

ინფორმაცია

მომხმარებლის ჯგუფში სტუმარი, არ შეგიძლიათ დატოვოთ კომენტარი.