სახალხო დოვლათის სადარაჯოზე » Borbonchia - ცეცხლთან მებრძოლები
                                რეკლამა

საიტი შექმნილია მეხანძრეების მიერ, მეხანძრეებზე და მეხანძრეებისათვის. არამარტო მათზე და მათთვის.

» » სახალხო დოვლათის სადარაჯოზე

სახალხო დოვლათის სადარაჯოზე

68 წლის წინათ, ოქტომბრის რევოლუციის გარიჟრაჟზე, შეიქმნა ჩვენი ქვეყნის სახანძრო დაცვის ორგანოები, მაშინ სამოქალაქო ომის მრისხანე წლებში სახანძრო დაცვის მუშაკები გმირულად იცავდნენ ოქტომბრის მონაპოვარს, ახალგაზრდა სოციალისტურ რესპუბლიკას.
1918 წლის 17 აპრილს ვ.ი. ლენინმა ხელი მოაწერა სახალხო კომისართა საბჭოს დეკრეტს „ცეცხლთან ბრძოლის სახელმწიფოებრივ ღონიძიებათა ორგანიზაციის შესახებ“. რომელმაც საბჭოთა სახანძრო დაცვას დასაწყისი მისცა და იგი საფუძვლად დაედო სახანძო დაცვის ყველა შემდგომ საკანონმდებლო აქტს.
ქ.ფოთში 1924 წელს შეიქმნა პროფესიული სახანძრო რაზმი, რომელმაც სასახელო გზა განვლო. პარტიული და საბჭოთა ორგანოების ხელმძღვანელობითა და მუდმივი ზრუნვით. სახე იცვალა სახანძრო დაცვამ, იგი აღიჭურვა თანამედროვე ტექნიკით, უფრო ამაღლდა პირადი შემადგენლობის საბრძოლო და პოლიტიკური მოქმედების დონე. გაუმჯობესდა და სწორად წარიმართა კადრების მომზადებისა და შერჩევის დონე.
ისტორიამ შემოგვინახა ის ნათელი ფურცლები, სადაც ასახულია ფოთელ მეხანძრეთა მამაცობა ხანძრებთან ჭიდილში, როდესაც ისინი თავიანთი სიცოცხლის საფრთხეში ჩაგდებით ერკინებოდნენ გამძვინვარებულ სტიქიას. ასეთებია ყარაულის უფროსები გ.ნარსია, მ.ლემონჯავა, ფ.ერმაკოვი, ათმეთაურები ნ.გურგენაძე, ლ.ჩხეტია, ი. იაკუშა, მეხანძრეები ი. მაშინინი, ვ.ბართია და სხვები, რომლებიც არაერთხელ ყოფილან ზემდგომი ორგანოების მიერ დაჯილდოებულნი.
ერთერთი მნიშვნელოვანი ობიექტის ხანძრის ქრობის დროს არანახული გამბედაობა და მამაცობა გამოავლინეს ფოთელმა მეხანძრეებმა. სტიქიურ ქარცეცხლში სიცოცხლის დაუზოგავად იბრძოდნენ ფოთელი მეხანძრეები. აღნიშნულ ხანძარზე თავდადებული მუშაობისათვის 8 მუშაკი დაჯილდოვდა მედლით „ხანძარზე მამაცობისათვის“, 10 მუშაკი ფასიანი საჩუქრებით.
დიდი წვლილი მიუძღვით ფოთელ მეხანძრეებს სახანძრო გამოყენებითი სპორტის პოპულარიზაციაში, ფოთის პროფესიული სახანძრო რაზმის ნაკრები გუნდი ზედიზედ 10 წელიწადს ფლობდა რესპუბლიკაში პირველ ადგილს, რომელსაც სათავეში ახლაც უდგას „საპატიო ნიშნის“ ორდენოსანი, სახანძრო გამოყენებითი სპორტის საკავშირო და საერთაშორისო შეჯიბრებების ოქროს მედალოსანი გივი ბუკია.
ქ.ფოთში დღეს ფუნქციონირებს დამოუკიდებელი გასამხედროებული სახანძრო ნაწილი (უფროსი, კაპიტანი დ.ხოშტარია), რომელიც აღჭურვილია თანამდრეოვე ტექნიკით და საკმაოდ მომზადებული, ბრძოლისუნარიანი პირადი შემადგენლობით.
სამსახურისა და საბრძოლო მომზადების დარგთან ერთად სახანძრო დაცვაში ერთ-ერთი მთავარი დარგია სახანძრო პროფილაკტიკა, სახანძრო პროფილაქტიკურ ახსნა-განმარტებით მუშაობას ეწევა დამოუკიდებელი გასამხედროებული სახანძრო ნაწილის ინსპექტორთა შემადგენლობა, რომელსაც ხელმძღანელობს და წარმართავს ნაწილის უფროსი ინჟინერი ნ.კურტანიძე.
გასული წლის მაჩვენებლებით ფოთის პროფესიონალურ სახანძრო ნაწილს შინაგან საქმეთა სამინისტროს ბრძანებით მიენიჭა რესპუბლიკაში ფრიადოსანი ნაწილის წოდება, რიგი მუშაკებისა და დაჯილდოვდნენ ფულადი პრემიით.
საბრძოლო მომზადების ფრიადოსნები არიან გასამხედროებული სახანძრო ნაწილის ყარაულის უფროსი ვ.სერბინი, ათმეთაური რ.ივანოვი, მძღოლი ი.დუბოვი, გ. სასანია, ვ. ბოგვერაძე, რიგითი ნ. ლორთქიფანიძე და სხვები.
იზრდება და მშვენდება ქ.ფოთი, მისი მრეწველობა და საყოფაცხოვრებო ობიექტები, ფართოდაა გაშლილი მაღლივი საცხოვრებელი სახლების მშენებლობა, რაც ფოთელ მეხანძრეებს ახალ ამოცანებს გვისახავს. იმედია ფოთელი მეხანძრეებიც არ დაიშურებენ ძალასა და ენერგიას, რათა ღირსეულად იდგნენ სახელმწიფო და მშრომელთა პირადი საკუთრების ხანძრისაგან დაცვის სადარაჯიოზე.

ლევთერ ჭოჭუა
ფოთის პროფესიონალური სახანძრო დაცვის რაზმის უფროსი.


გაზეთი „ახალი კოლხეთი“ 17 აპრილი №46 (9909) 1986 წელი. გვ.3
25
    

კომენტარები -
0

ინფორმაცია

მომხმარებლის ჯგუფში სტუმარი, არ შეგიძლიათ დატოვოთ კომენტარი.