ხანძარი „გარდენია შევარდნაძეს“ ტერიტორიაზე - საგანგებო სიტუაციების მართვის სამსახურის ინფორმაციით, ცეცხლი 80 კვადრატულ მიწის ტერიტორიას ეკიდა. მათივე ინფორმაციით, ამ დროისათვის ხანძარი ლოკალიზებულია და მიმდინარეობს სალიკვიდაციო სამუშაოები. ადგილზე ამ დრომდე მობილიზებულია სახანძრო სამსახურის ორი ჯგუფი. როგორც საზოგადოებრივი მაუწყებლის ჟურნალისტი ადგილიდან იტყობინება, ცეცხლი „გარდენიას“ შესასვლელში გაჩნდა და სათბურებს არ შეხებია. მიყენებული ზარალის შესახებ ინფორმაცია ჯერჯერობით არ ვრცელდება.
კომენტარები -0