Deprecated: Array and string offset access syntax with curly braces is deprecated in /home/npjlazmm/public_html/engine/classes/templates.class.php on line 162  Deprecated: Array and string offset access syntax with curly braces is deprecated in /home/npjlazmm/public_html/engine/modules/sitelogin.php on line 110 ტემპი მატულობს
> ძველი პრესის ფურცლებზე, საქართველოს მეხანძრე > ტემპი მატულობს

ტემპი მატულობს


29-12-2022, 19:52. ავტორი: Amuri
ლევთერ ჭოჭუა


გაზეთი „მებრძოლი გუშაგი“ 1989 წლის 14 ოქტომბრის ნომერში სათაურით - „კარგად აღებული სტარტი“ იტყობინებოდა, რომ ფოთის 29-ე დამოუკიდებელი გასამხედროებული სახანძრო ნაწილის ინსპექტორმა, შ/ს ლეინტენანტმა ბორის მაკალათიამ თავი გამოიჩინა როგორც შრომისმოყვარე და პრინციპულმა ახალგაზრდამ, მას შემდეგ სამმა წელიწადმა გაიარა. ბორის მაკალათია კი ისევ და ისევ ჩვეული ენერგიითა და მაღალი პროფესიონალიზმით უძღვება სახანძრო უსაფრთხოების უზრუნველყოფის დარგს. შეუფერხებლად მიიწევს წინ.
მხოლოდ შემართება, არჩეული პროფესიისადმი უსაზღვრო სიყვარული და მტკიცე ნებისყოფა - აი, რა არის მისი ძირითადი დევიზი და დამახასიათებელი თვისებები. ამიტომაც არის, რომ მასზე გაპიროვნებულ ობიექტებზე ძირითადად სანიმუშო ხანძარსაწინააღმდეგო მდგომარეობაა; მან კარგად იცის ნორმატიულ - ტექნიკური დარგი, ესმის საწარმოთა ტექნოლოგიური პროცესები და მკურნალი ექიმივით თავს დასტრიალებს იმ ობიექტებს, სადაც ხანძრის წარმოშობის მეტი საშიშროებაა.
ამ სამი წლის წინათ ბორის ლეინტენანტის წოდებით იყო, უცოლშვილო, დღეს კი მას კაპიტნის ჩინი ამშვენებს, დაოჯახდა კიდევაც. ქალიშვილის მამაა, პატარა, ტიტინა ბელაა მათი საფიცარი. ასე რომ, კარგად აღებული „სტარტი“ გრძელდება, ტემპი მატულობს. ფინიში? - მე ვისურვებდი, რომ ფინიში შორს, შორს ყოფილიყოს. მორბენალი სტარტიდან ფინიშემდეა კარგი და ლამაზი. მაყურებელი ამ დისტანციაზე შეჰყურებს და უკრავს ტაშს.
ბორის მაკალათიასაც მუდამ ასე ლამაზად და შემართებით ევლოს თავისი ცხოვრების დიდ გზაზე.
უკან დაბრუნება