Deprecated: Array and string offset access syntax with curly braces is deprecated in /home/npjlazmm/public_html/engine/classes/templates.class.php on line 162  Deprecated: Array and string offset access syntax with curly braces is deprecated in /home/npjlazmm/public_html/engine/modules/sitelogin.php on line 110 ფოთელ მეხანძრეთა წარმატებები
> ინფორმაცია, ხაზზეა 01 > ფოთელ მეხანძრეთა წარმატებები

ფოთელ მეხანძრეთა წარმატებები


2-12-2015, 08:44. ავტორი: Amuri
ლევთერ ჭოჭუა


საქართველოს ხანძარსაწინააღმდეგო სამსახურის მატიანეში ფოთელმა მეხანძრეებმა წარუშლელი ფურცელი ჩაწერეს. ფოთელ მეხანძრეთა მთელი თაობები იღვწვოდნენ ჩვენი ქვეყნის სახანძრო სამსახურის დიდებისათვის და ხშირ შემთხვევაში საწადელსაც აღწევდნენ. გავიხსენოთ ფოთელ მეხანძრე-სპორტსმენთა წარმატებები, რომლებიც საკავშირო არენაზე ტოლს არ უდებდნენ მრავალმილიონიანი ქვეყნის შვილებს, უფრო მეტიც, სად იყო პოლონელის, ჩეხის, გერმანელის (არაფერს ვიზახით უზბეკეთ-ყაზახეთსა და სხვებზე) გასამარჯვებელი, როდესაც მსოფლიო სტადიონების სარბენ ბილიკებზე ფინიშისაკენ გრიგალივით გივი ბუკია მიჰქროდა.
უნდა ითქვას, რომ სახანძრო-გამოყენებით სპორტში საქართველოს ნაკრების ბირთვს სწორედ ქვეყნის მრავალგზის ჩემპიონი ფოთელი მეხანძრეები წარმოადგენდნენ. გივი ბუკიასთან ერთად გავიხსენოთ: ბ.ბჟალავა, ვ.ფოჩხუა, ნ.გურგენაძე, ჯ.სოსელია, ვ.ნოვიკოვი, პ.ჭანტურია, თ.კიზირია და ი.პატარაია, სწორედ მათ მოუპოვეს ავტორიტეტი ქართულ-სახანძრო - გამოყენებით სპორტს.
ფოთელ მეხანძრეებს ყოველთვის ეამაყებოდათ და ეამაყებათ თავის უფროსი მეგობრების, კოლეგების, წარმატებები, რომლებმაც ხანძრის სტიქიასთან ბრძოლაში გამოიჩინეს გმირობისა და თავდადების არაერთი მაგალითი. სახელდობრ: სამსახურეობრივი მოვალეობის შესრულების დროს გამოჩენილი მამაცობისათვის მედლით - „ხანაძარზე მამაცობისათვის“ დაჯილდოვებულია 18 ფოთელი (ნ.გურგენაძე, ს.გურგენძე, ბ. ბჟალავა, ჯ.წუწუნავა, ლ.ჭოჭუა, ვ. ჩიჟიკოვი, ჯ.სოსელია და სხვა); წითელი ვარსკლავის ორდენით დაჯილდოვდა მ. სალუქვაძე, საპატიო ნიშნის ორდენით გივი ბუკია; ხაზგასასმელია, რომ სამსახურისა და საბრძოლო მომზადების დარგში „პროფესიაში საუკეთესო“-ს წოდება ზედიზედ სამჯერ მიენიჭა ლევთერ ჭოჭუას, ერთხელ ნოდარ გურგენაძეს, ყოფილი საბჭოთა კავშირის მაშტაბით სამსახურისა და საბრძოლო მომზადების დარგში გამართულ დათავალიერებაში სწორედ ფოთელმა მეხანძრეებმა მოიპოვეს აბსოლიტური გამარჯვება და დაისაკუთრეს სპეციალური ალამი და ფულადი ჯილდო. წარმატებებით და ურთულესი სადაგი დღეებით არის გაჯერებული ფოთელი მეხანძრეების მიერ განვლილი უმძიმესი, დიდებისაკენ მიმავალი საპატიო გზა, რომელიც ოქროს ასოებით ჩაიწერება საქართველოს ხანძარსაწინააღმდეგო სამსახურის თითქმის ორსაუკუნოვან მატიანეში.

გაზეთი „ხაზზეა 01“ №1 იანვარი 2001 წელი გვ.2

უკან დაბრუნება