ბორჯომის რაიონში ხანძრის ჩაქრობას ვერტმფრენი დილის 06:00 საათიდან განაახლებს
20-08-2017, 19:03. ავტორი: Amuri
ბორჯომის რაიონის სოფელ დაბას ტერიტორიაზე ხანძრის ჩაქრობას ვერტმფრენი დილის 06:00 საათიდან განაახლებს.
როგორც „ინტერპრესნიუსს“ ეროვნული სატყეო სააგენტოს უფროსმა თორნიკე გვაზავამ განუცხადა, ღამის ხედვის არ ქონის გამო, უსაფრთხოების ნორმებიდან გამომდინარე, ვერტმფრენმა სამუშაო შეაჩერა და ხანძრის ლიკვიდაციას დილიდან განაახლებს. გვაზავას თქმით, ადგილზე რჩებიან ეროვნული სატყეო სააგენტოს თანამშრომლები, სახანძრო-სამაშველო სამსახური და თხრილების მეშვეობით ცდილობენ, ხანძრის გავრცელება შეაჩერონ.
მისივე ინფორმაციით, ცეცხლი 1 ჰექტარზე მეტ ტყის მასივზეა მოდებული. ხანძარი 2008 წელს, რუსეთ-საქართველოს ომის დროს გადამწვარ ტყის ფართობს გაუჩნდა.
წყარო: interpressnews.ge
უკან დაბრუნება