ქ.ფოთში მოქალაქე დ.გუნიას სახლში ცეცხლთან გაუფრთხილებელი მოქცევის შედეგად გაჩნდა ხანძარი, რომელიც პირველად მორიგეობიდან თავისუფალმა მეხანძრემ მიხეილ სტეფანიამ შენიშნა. ცეცხლი ემუქრებოდა სახლს, რომელშიაც დიასახლისი იყო დარჩენილი. მ.სტეფანია არ დაიბნა; ის ცეცხლით მოდებულ ოთახში შევარდა, მოძებნა დიასახლისი და გულწასული გამოიყვანა სახლიდან. ამის შემდეგ სტეფანია შეუდგა ხანძრის ქრობას. სახანძრო რაზმის მოსვლამდე მან შესძლო დაზარალებულის მეზობელთან ერთად მოეხდინა ხანძრის ლოკალიზაცია.